Alay kay Boss

Boss I

Alaala

habang pinagmamasdan ko

ang ngiti sa iyong larawan

naaalala ko ang mga araw

na tayo’y magkausap

naglalambingan

nagkakatampuhan

nag-aaway

at higit sa lahat

nagmamahalan.

Boss sabi mo

habangbuhay na tayong magsasama

pero bakit bigla

parang lumayo ka?

Ewan pero gusto kitang yakapin

kaso natatakot ako

natatakot ako na

baka pagyakap ko sa’yo

bigla ay lumayo ka

boss, ayaw kitang tanungin

kung mahal mo pa rin ako

pero ako boss

mahal kita

mahal na mahal

hindi ako kailanman

magsasawang mahalin ka

kahit hindi ko alam

kung babalik ka pa.

Boss II

Bumalik Ka Na

Boss, kamusta ka na?

Ako? Heto…

laging naaalala ka

ewan ko ba

tagal mo na kasing hindi

nagpaparamdam

ako naman heto

baliw pa rin sa

paghihintay

alam ko

babalik ka

patuloy akong umaasa

na babalik ka

kahit gaano katagal

maghihintay ako

sapagat

ito lang ang alam kong

Tama.